Um pengar

Um pengar

Ein kann kjøpa seg

mat, men ikkje mathug,

dropar, men ikkje helsa,

mjuke senger, men ikkje svevn,

lærdom, men ikkje vit,

stas, men ikkje venleik,

glans, men ikkje hygge,

moro, men ikkje gleda,

kameratar, men ikkje venskap,

tenarar, men ikkje truskap,

gråe hår, men ikkje æra,

rolege dagar, men ikkje fred.

Skalet av alle ting kann ein få for pengar. Men ikkje kjernen; den er ikkje for pengar fal*.

*‹‹ikkje for pengar fal›› tyder: Ikkje til sals/kan ikkje kjøpast.

Les heile Um pengar av Arne Garborg på Ivar Aasen-Tunet

---